الجزء الاول من قصتي الجديده
قصتي الجديده
( البيت المسكون )
[ ] انا سامح ودي قصتي مع البيت المسكون
[ ] انا شاب مكافح ونفسي اكون حاجا كويسه في المجتمع
[ ] اجتهدت على نفسي وبقي معايا وظيفه كويسه والراتب بتاعها يقدر يعيشني كويس
[ ] انا ليا ام وأخ أصغر مني ومراتى وبنتي سنها 7 سنين
[ ] كنا عايشين في حواري الجيزه وبسبب طبيعه شغلي حبيت انقل لمكان افضل
[ ] اتكلمت مع واحد زميلي في الشغل على شقه كويسه
[ ] قالي انا عندي شقه رخيصه وكبيره وفي مكان كويس جدا وفي اسانسير وها تعجبك جدا
[ ] انا طبعا فرحت من كلامه وكمان عشان تلم عيلتي كلها فيها
[ ] قولتله ماشي انا موافق اشوفها حدد يوم ونروح للشقة
[ ] ظبطنا الميعاد وروحنا للعماره بجد كانت جميله واسانسير وبواب بجد انا قولت ان الشقه غاليه جدا ومستحيل تكون رخيصه زي ما صاحبي قال
[ ] بس لما قعدت مع صاحب العماره لقيت نظراته غريبه وكل شويه يسألني هوا انتا عاوز الشقه الي في الدور السابع
[ ] اقوله اه هيا الشقه الي في الدور السابع
[ ] يقولي انتا متأكد انك عاوز الشقه دي
[ ] قولتله هوا انتا مش عاوز تسكني فيها ولا ايه انا ممكن امشي عادي اشوف شقه تاني
[ ] قالي لا طول ما دي رغبتك خلاص مفيش مشاكل
[ ] وقالي السعر قولتله تمام انا موافق اقدر استلمها من امتى
[ ] قالي من دلوقتي لو حابب
[ ] قولتله اكيد وكتبنا العقد واتفقنا على كل حاجا وخلاص
[ ] بس المشكله ان فوقي على طول السطح وانا مبحبش ان كل شويه حد يطلع السطح وينزل وكدا
[ ] كلمت صاحب العماره بس ريحني جدا قالي ان السطح مقفول ومحدش معاه المفتاح غيره ومحدش بيطلع غير للحاجا الشديده اوووي
[ ] قولتله كويس جدا انا مبحبش يكون في دوشه فوقي
[ ] وسجلنا العقد وجيبت اهلي الشقه وقعدت فيها
[ ] الشقه كانت متشطبه ومفروشه لان العماره كلها شغاله كدا بتكون مفروشه والشخص بيسكن فيها شهر اتنين سنه عادي
[ ] بس الي انا كنت مستغربه وفضلت مش مرتاح ليه أن الشقه كانت ارخص شقه في العماره كلها
[ ] مع العلم ان الشقق كانت في المنطقه والعماره غاليه
[ ] بس انا قولت اكيد حظي حلو واني اخدتها لقطه وكويس اني سكنت
[ ] في يوم كنت قاعد سهران بخلص شغل سمعت صوت حركه في البلكونه
[ ] قربت على البلكونه لقيتها مفتوحه وفي حد بيبص من ورا باب البلكونه وعيونه باينه
[ ] قربت عليه وفضلت انادي مين هناك مين ورا الباب بس مكنش في رد
[ ] فتحت الباب مره وحده ملقتش حد طب ازاي وكان في حركه في البلكونه ان حد كان بيلعب او بيحرك حاجا وانا متأكد اني شوفت عيون حد بيبصلي
[ ] رجعت للمكان الي كنت بخلص فيه الشغل لقيته جزء منه مرمى على الأرض والجزء التاني على الطربيزه بتاعت الصاله
[ ] مين جبهم هنا ممكن يكون حد من العائله بس ازاي كلهم نايمين
] روحت لمراتي وبنتي وصحيتهم وقولتلهم حد منكم جه عندي الاوضه الي بشتغل فيها
[ ] قالولي لا احنا نايمين من ساعه ما خلصنا شغل
[ ] قولتلها ازاي امال مين الي حرك الورق بتاعي
[ ] قالتلي ممكن امك او اخوك حد منهم صحي وحركهم
[ ] قولتلها لا محدش منهم صحي ولا حسيت بوجود حد غير الي في الب
[ ] وافتكرت ان البلكونه كان فيها حد واول ما قربت اختفى في حاجا غريبه في البيت دا بس ها اكتشفها قريب
[ ] ورجعت لميت الورق من تاني وكملت شغل وخلصت ونمت
[ ] تاني يوم صحيت وروحت الشغل وطبيعي جدا مفيش اي حاجه من ساعه ما الموقف الي حصل امبارح
[ ] بس انا الموضوع فضل شاغلني جدا ومش قادر انساه
[ ] روحت البيت لقيت اخويا بيبصلي ومرعوب
[ ] قولتله في ايه مالك بتبص كدا ليه
[ ] قالي انا شوفت جن هنا في البيت
يتابع…
الجزء الثاني من قصتي الجديدة ( البيت المسكون )
[ ] انا طبعا قعدت اضحك من قلبي ومش مصدق ولا كلمه منه[ ] قولتله جن ايه يا ابو عقل مفوت الي يكون موجود هنا انتا بتهلوس
[ ] قالي انا كنت عطشان صحيت وروحت المطبخ اجيب مايا لقيت حد واقف قصاد التلاجه بالظبط وكله اسود في اسود واول ما حس بيا لف وشه عليا وشوفت منظره مرعب جدا وبعد كدا اختفى ومبقاش ليه أثر
[ ] انا صدقته لاني شوفت منظر مرعب برضو امبارح ومقدرتش اتكلم
[ ] قولتله وانتا عملت ايه
[ ] قالي انا صرخت ووقعت على الأرض اول ما شوفته
[ ] البيت دا مسكون يا سامح خلينا نعزل منه
[ ] قولتله بس يا عم مفيش الكلام دا واهدي شويه ممكن تكون هلوسه وها تعدي
[ ] وسيبته ومشيت وانا متأكد ان كل كلمه قالها حقيقه بس مقدرش اقوله انه صح عشان البيت ميترعبش
[ ] تاني يوم قاعد الساعه 11 بليل بخلص شغل عليا سمعت صوت على السطح
[ ] حد ماشي وعمال يخبط جامد فوق دماغي ويمشي ويحك رجله جامد على السقف وكان الصوت مزعج جدا
[ ] اخدت التليفون ورنيت على صاحب البيت بس مكنش بيرد عليا
[ ] رنيت كتير اوووي عليه بس كان بدون جدوى وكان الصوت بيزيد
[ ] سيبت الشغل وفتحت الباب وطلعت اشوف في ايه بيحصل فوق
[ ] بس لقيت الباب مقفول بقفل ومستحيل انه يتفتح غير بمفتاح صاحب العماره
[ ] طب الصوت الي انا سمعته فوق دا ايه وازاي في حد فوق السطح والباب مقفول
[ ] خبطت على الباب جامد وقعدت ادوس على القفل عشان يتكسر سمعت حد بيجري على السلم وطالع
[ ] انا قولت اكيد واحد من الي ساكنين او صاحب العماره وطالع يساعدني او يشوف في ايه
[ ] بس فضلت مستني ومنور الكشاف بس مفيش حد طلع
[ ] الخطاوي ما زالت شغاله ان في حد طالع بس مفيش حد
[ ] نورت الكشاف على السلم كله اني اشوف اي حد بس مفيش
[ ] ومره وحده لقيت خيال طلع قصادي فجأه كان زي الهوا
[ ] واول ما قربت عليه اختفى من قصادي ولقيت باب السطح عمال يتخبط وكأن حد بيكسره من جوا وفضل كتير اوووي الصوت يزيد وانا اترعبت
[ ] وبعد كدا لقيت حد شكله غريب اوووي واقف في آخر درج السلم وحاطط ايده علي السلم واول ما نديت عليه اختفى
[ ] انا سيبت كل حاجا ونزلت لان الي حصل دا رعبني جدا
[ ] قعدت في الاوضه بيني وبين نفسي عمال افكر اتخلص من الي بيحصل دا ازاي بس مش لاقي اي سبب للي بيحصل دا
[ ] نمت وتاني يوم روحت الشغل وكلمت صاحبي على الشقه والي شوفته
[ ] قالي كلام صدمني حرفيا انا اترعبت من كلامه
[ ] قالي الدور الي انتا ساكن فيه حاليا كان ساكن فيه راجل وعائلته
[ ] حصلت مشاجره بينه وبين اخوه وشريكه في الورث
[ ] قام اخوه اجر حد قتل اخوه والعائله كلها بطريقه بشعه جدا ومرعبه
[ ] وبعد فتره عرفو الي قتل العائله دي مين وأخوه وشريكه اتعدمو
[ ] وفضل الدور دا ممنوع حد يقربله لمده اكتر من سنه
[ ] وكانت الفتره دي الناس الي كانت ساكنه تحت كانت بتسمع حد بيتحرك في الشقه وصريخ جامد
[ ] وساعات كانوا بيسمعو حد بيتكلم على السلم ويقول القتل ها يحصل القتل ها يحصل
[ ] ومبقاش حد بيقرب ليها ولا بيطلع الدور دا
[ ] لحد ما جه في يوم ومبقاش حد يسمع حاجا ولا كأن حصل حاجا
[ ] وانفتح الدور دا تاني بس كان في مشكله كبيره
[ ] كان كل ما ييجي حد يسكن في الدور دا يحصله حاجا غريبه ويسيب الشقه قبل الشهر ما يخلص بسبب الي كان بيشوفو
[ ] وفي واحد كان ساكن في الشقه وخرج منها وأمه اتلبست من جن كان في الشقه دي
[ ] على ما سمعت من صاحب العماره عن الكلام عليها
[ ] بس هيا من ساعه الإشاعات دي ومبقاش في حاجا بتحصل نهائيا
[ ] لحد ما كلمتني انتا على الشقه وشوفتلك دي لأنها كانت رخيصه ومناسبه للعائله بتاعتك
[ ] قولتله انتا شايفلي شقه مسكونه
] انا ها اعمل بيها ايه وهيا رخيصه وفيها حاجا ترعبني طول حياتي
[ ] انا مش ها اكمل فيها يوم تاني
[ ] قالي طيب بعد ما تسيبها ها تلاقي شقه كويسه غيرها فين
[ ] بلاش لو لقيت ها تنقل الحجات دي فين دلوقتي
[ ] وأهلك ها يقعدو فين لحد ما تلاقي الشقه
[ ] ولا ها ترجع بيت العيله الي انتا عارف انه مليان مشاكل ومنطقه مش مناسبه ليك
[ ] قولتله طب الحل ايه انا اعصابي بقت سايبه ومش حاسس بيها ولا عارف اشتغل ولا عارف اعمل حاجا
[ ] قالي شغل قرآن على طول في البيت ورقيه شرعيه وانتا ها تكون تمام انتا والعائله
[ ] قولتله ها اشوف الموضوع دا وها احاول اتأقلم لحد ما الاقي شقه غير الشقه الملبوسه دي
[ ] وفي يوم واحنا قاعدين انا والعيله بتتفرج على التليفزيون
[ ] لقيت بنتي واقفه جمب الشاشه وفي بنت واقفه جمبها صغيره
يتابع …
الجزء الثالث والاخير من قصتي ( البيت المسكون )
] لقيت بنتي واقفه جمب الشاشه وفي بنت واقفه جمبها صغيره
[ ] انا فضلت مبحلق على الي شوفته
[ ] وبعد كدا البنت عدت من جمب بنتي ومشيت من جوا الشاشه وبعد كدا اختفت
[ ] قولتلهم كفايه تليفزيون ويالا نخش ننام
[ ] ودخلو كلهم ينامو وانا فضلت قاعد شويه
[ ] سمعت صوت باب الحمام بيتقفل
[ ] روحت اشوف في ايه في الحمام ومين الي خرج للحمام
[ ] لقيت الدش بتاع الحمام شغال
[ ] نديت على اي حد من العيله يكون في الحمام بس مكنش فيه رد
[ ] فضلت انادي على اي حد واخبط بس مكنش حد بيرد
[ ] فتحت الباب ودخلت على الستاره بتاعت الدش وشديتها بسرعه
[ ] لقيت مفيش حد وراها بس الدش شغال وفي آثار ايد على الدش
[ ] انا اترعبت واتصلبت مكاني ومكنتش قادر اتحرك
[ ] قفلت الدش وكنت واقف مصدوم من المنظر
[ ] حاولت اتحرك من مكاني وبالعافيه لما اتحركت
[ ] واول ما قربت اوصل لباب الحمام سمعت صوت الدش تاني شغال
[ ] طلعت من الحمام واترميت على الأرض من الخوف ومكنش قادر اقوم
[ ] بصيت لقيت حد في آخر الصاله عمال يقرب عليا والنور يطفي ويشتغل ومره وحده النور جه ولقيته قصادي وبعد كدا النور فصل واختفي
[ ] صرخت لقيت النور رجع تاني ومفيش اي حاجا لا صوت في الحمام ولا الشخص الي طلعلي
[ ] انا قولت مش ها اقعد في البيت دا دقيقه واحده بعد الي انا شوفته
[ ] كلمت صاحب العماره وقولتله انا مش قاعد في البيت دا انا شوفت الي عمر ما حد شافه
[ ] انا مش مستغني على عيلتي يحصل فيها حاجا
[ ] لقيته قالي طيب استنى انا جاي بكره ها نشوف الموضوع دا
[ ] وقفلت معاه وروحت نمت وانا جسمي كله عرق ومرعوب من الي شوفته
[ ] تاني يوم شغلت القرآن اول ما رجعت من الشغل بس الموضوع كان طبيعي
[ ] بس بعد كدا الساعه كانت 8 بليل والقرآن شغال لقيت الشبابيك عماله تفتح وتقفل والأبواب تفتح وتتخبط جامد اوي وأصوات عاليه اوووي بدأت تشتغل وتزيد
[ ] ومره وحده الشاشه الي كان شغال عليها القرآن اتحرقت
[ ] انا اتفزعت وكانت العيله شايفه كل الي بيحصل
[ ] قولتلهم احنا قعدين في بيت مسكون وميت فيه عائله لاكملها
[ ] لقيتهم كلهم ساكتين ومحدش فتح بقه بكلمه
[ ] وبعد كدا لقيت الصوت هدى خالص وامي اترمت على الأرض وبعد كدا لقينا عيونها قلبت للاسود وصوتها اتغير
[ ] لقيتها بتقول بصوت تخين اووي احنا موجودين هنا والمكان مكنا محدش ها يقدر يخرج من هنا وها تكونو معانا
[ ] طلعت اجري على باب الشقه لقيته اتقفل
[ ] جريت على الشبابيك لقيتها اتقفلت كلها ومفيش حاجا راضيه تتفتح
[ ] وبعد كدا لقيت البيت كله عمال يتكسر والعفش عمال ييجي علينا واحنا مش قادرين نتحرك او نتكلم من الي شايفينه
[ ] ومره وحده بنتي اغمي عليها واترمت في الأرض ومفقتش تاني
[ ] انا خوفت جدا عليها وعلى امي ومبقتش عارف اعمل حاجه
[ ] ومره وحده لقيت في تخبيط على الباب من برا
[ ] وانا عمال انادي الحقونا الحقونا الحقونا
[ ] لقيت الباب اتكسر وموجود صاحبي وصاحب العماره وشيخ
[ ] وفضل يقرأ قرآن وفضل يقول روقيه شرعيه ويرش مايه في كل حته لحد ما المكان هدى خالص وعرفنا اننا نطلع
[ ] بعد كدا قولتله بنتي اغمي عليها وامي كان صوتها تخين وعيونها سوده
[ ] قالي امك اتلبست من ساكن البيت
[ ] وبنتك ممكن تكون اتمست او اتلبست هيا كمان
[ ] احنا لازم نخرجهم من هنا بسرعه ونحاول نخرج الي سكن في جسمهم
[ ] قولتله طب نعمل ايه
[ ] قالي في مكان قريب من هنا فاضي من السكان
[ ] ناخد امك وبنتك لوحدهم والباقي يفضل في مكان بعيد عن البيت
[ ] وبعد ما نخرج الي في جسمهم نرقيكم كلكم عشان تتحصنو
[ ] قولتله طيب بسرعه عشان ميحصلش مصيبه او حاجا لأمي وبنتي
[ ] وشيلت امي انا وصاحبي والشيخ اخد بنتي وطلعنا على المكان الي الشيخ قال عليه
[ ] وبدأ يقرأ القرآن ويعمل حجات لاستخراج الجن الي دخل فيهم
[ ] ومره وحده امي اتنفضت والصوت التخين رجت تاني
[ ] وفضل يقول مفيش حد ها يخرج من المكان
[ ] مفيش حد ها يخرج من المكان
[ ] احنا الروح والجسد والمكان
[ ] احنا الروح والجسد والمكان
[ ] وبعد كدا بدا جسم امي يتنفض
[ ] والشيخ يقوله اخرج وهوا يقول كلام وفضل الشيخ معاه لحد ما لقيت ايد امي اترفعت جامد اووي ونزلت جامد على الأرض
[ ] وبعد كدا الشيخ قالي الجن الي كان في جسم امك طلع
[ ] خد امك بعيد عن المكان دا لحد ما اشوف بنتك
[ ] وفضل يقرأ ويشرب بنتي مايه من الازازه الي كانت معاه لحد ما بنتي فاقت خالص وراحت عليا
[ ] قولتله ايه الي حصل دا وايه الي كان في امي دا وبسبب ايه
[ ] قالي دي عيله كانت ساكنه البيت وانتم دخلتو عليهم وعلى مكانهم ودا اكبر غلط
[ ] المكان الي فيه جن او اروح تانيه مينفعش تقرب عليه
[ ] متفرحش ببيت رخيص او شغل غالي كلهم بيفنو
[ ] بس المهم تعرف تعيش في مكان محفوظ من ربك ومستور من العوره
[ ] خليك بعيد عن البيوت الي بالشكل دا يابني
[ ] واحمد ربك ان الاذى وصل لحد كدا وبس
[ ] السكان الي كانت قبلك واحد منهم رما نفسه من البلكونه
[ ] والزوجه اتجننت وأهل البيت ضاعو وسابو البيت بعد البهدله دي
[ ] فا بلاش تجري على الحجات دي من غير ما تتأكد من ماضيها والي كان ساكن فيها
[ ] خد اهلك من المكان دا وامشي شوفلك شقه تانيه
[ ] بس قبل ما تشوف الشقه شوف الي كان ساكن فيها
[ ] وبعد كدا سابني ومشي
[ ] انا اخدت عيلتي ورجعنا البلد تاني وفضلنا قاعدين تلت شهور لحد ما لقيت بيت كويس جدا وكان برضو قريب من الشغل هوا كان غالي شويه بس احسن من الي كنت فيه
{ } واشتغلت وانا دلوقتي بكلمكم منه
تمت
